Шағын орталық тәрбиеленушілері Асылхан Асылжан, Жайлаухан Шыңғыс халыкаралық «ПОНИ»Палитра байқауына қатысып,жүлдегер атанды. Жетекші Айнур Темировна Сабитова. Мектепалды даярлық сыныбының тәрбиеленушілері Ризабек Нұрзада, Тұрсын Ернур халыкаралық «ПОНИ»Палитра байқауына қатысып,жүлдегер атанды. Жетекшісі Жулдыз Жомартовна Жунусова.
20-27.01 аралығында Өнер бірлестігінің апталығы өткізіліп жатыр. 20 қаңтар күні Раушан Кабытаевна Жунусова 7 сыныпта көркем еңбек пәнінен ашық сабақ жүргізді.
2020 жылдың 17 ақпан күні барлық мектептерде дәстүрлі «Адалдық сағаты» өткізілді. Ақжар жалпы білім беретін орта мектебінде аталған шараға қамқоршылық кеңестің төрайымы Курмашева Халида қатысты. Бұл шараның негізгі мақсаты өскелең ұрпаққа адалдық және парасаттылық адам бойындағы құндылықтарды бағалау, құрметтеу мәселелері сөзге арқау болды. Оқушылар өздерінің ойларын еркін жеткізіп, біреудің ала жібін аттамай адал болып, еліміздің дамуына үлес қосамыз деп өз ойларын қорытындылады. Кездесу барысында оқушылардың қызықтырған барлық сұрақтарына жауап берді. «Адалдық сағаттары» ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) бастамасымен облыстық білім басқармасы және Май ауданы @mayraioo білім беру бөлімі қолдауымен ұйымдастырылуда.
Мектепалды даярлық сынып оқушылары «Жаңа жылда» ең үздік костюм номинациясын иеленіп,15000 теңге сертификатқа ие болды. Кешегі күні Курчатов қаласына бір күндік саяхатқа шықты. Ойын-сауық орталығында балаларға ертегі кейіпкерлері тосын сый жасады. Түрлі ойындар ойналып,балаларға арналған дастархан жасалды. Ата-аналар да,балаларда кешегі күннен тамаша әсер алып,керемет көңіл күймен оралды. Сынып жетекшісі Жунусова Жулдыз Жомартовна.
Оқушылар денсаулығының басты бағыттарының бірі, мектепте ыстық тамақты ұйымдастыру болып табылады. Жаңа жылдан бастап 1-4 сыныптар аралығында оқитын 49 оқушыға тегін ыстық тамақпен қамтамасыз ету ұйымдастырылды. Мектеп оқушыларына бірінші және екінші тамақ түрлерін құрайтын ыстық тамақтың толық жиынтығы ұсынылды. Біздің мектепте тиімді ұйымдастырылған тамақ тек қана бала организімін қолдап қана қоймай, сонымен қатар жақсы оқуға тигізетін ықпалы зор.
«Жас дарын-2019» атты Республикалық салтанатты марапаттау рәсімі өткізілді. Талантты, дарынды жастармен бірге олардың ата-аналары, жетекшілері және мекеме басшылары да «Алғыс хатпен» марапатталды. Шын жүректен құттықтай отыра, сіздерге шығармашылық табыс тілеймін!
Ағымдағы жылдың 14 желтоқсан күні Ақтөбе қаласында Қазақстан халқы ассамблеясы ғимаратында «Халықаралық педагогикалық шығармашылық пен ғылымның дамуын қолдау» Қоғамдық қорының ұйымдастыруымен «Жастар жылына» арналған «Жас дарын-2019» атты Республикалық салтанатты марапаттау рәсімі өткізілді. Марапаттау рәсіміне 200-ге жуық ОҚО, Павлодар, Ақтау, Орал, Қостанай, Ақтөбе облыстары мен аудандарының дарынды да талантты оқушылары, жоғары оқу орындары мен колледж студенттері қатысып сайысқа түсті. Мектеп намысын қорғап Май ауданы Ақжар мектебінен 11- сынып оқушысы Аскербек Асыл қатысып соңғы жылдардағы жетістігін ескере отырып «Жас дарын-2019» төсбелгі иегері болды. Жетекшісі: тарих пәнінің мұғалімі Мүтан Ардақ Мүтанқызы. Ұстазына сапалы дайындық үшін алғысымыз шексіз.
Мектебімізде жоғарғы сынып оқушыларына арналған «Жарқыра жайна, Жаңа жыл» атты жаңа жылдық шырша өткізілді. 8-11 сынып оқушылары кеште түрлі кейіпкер бейнесінде киініп, өнерлерін ортаға салды. Оқушыларға алдын-ала сатылған лотереялық ұтыс бойынша сыйлықтар үлестірілді. Кештің бағдарламасы бойынша: «Ең үздік мерекелік би» номинациясын 8- сынып оқушылары (арнайы ақшалай жүлде 5000 теңге), «Ең үздік көрініс »номинациясын 9- сынып оқушылары (арнайы ақшалай жүлде 5000 теңге), «Ең үздік мерекелік ойын» номинациясы 10- сынып оқушылары (арнайы ақшалай жүлде 5000 теңге) иеленді. Кештің «Ретро» жұлдыздары болған 11 сынып оқушыларына 18000 теңгегелік сертификат иеленіп қысқы демалыс уақытында қалаларға саяхаттауға жолдама алды. Демеушілеріміздің сыйлықтарымен марапатталып, меркеге орай жайылған дастарханға отырып, би кешімен жалғасын тапты.
Шағын орталық тәрбиеленушілерінің жаңа жылдық «Кел,Жаңа жыл»атты ертеңгілігі өтті. Ертеңгілікте «Балапан»және»Еркетай» тобының тәрбиеленушілері Аяз ата мен Ақшақарға өздерінің өнерлерін көрсетті.Ата-аналар да өздерінің ән-шашуларын тарту етті.Ата-аналар өздерінің ризашылықтарын білдіріп,екі топқа қажетті заттар сыйға тартты.Мектеп директоры-Олимпиада Досымжановна құттықтап,белсене қатысқан екі топтың ата-аналарына демеушілер атынан ақшалай сыйлық сыйлады.Ата-аналар ризашылықтарын білдіріп,алғыс айтты.
25-желтоқсан күні мектебімізде ортаңғы буын 4-7 сыныптар арасында «Кел, Жаңа жыл ортаға» атты жаңа жылдық шырша өткізілді. Кештің бағдарламасы бойынша:
-Ең үздік мерекелік костюм киген сынып;
-Ең үздік мерекелік ән орындаған сынып;
-Ең үздік мерекелік би билеген сынып;
-Ең үздік жаңа жылдық қабырға газеті номинациялары бойынша сынға түсті.
4 сынып оқушылары «Фиксики», 5-6 сынып оқушылары «Буратина мен Малвина», 7-сынып оқушылары «Сантаклуастар» болып өз өнерлерін ортаға салды. Балалардың асыға күткен аяз атасы мен ақшақары кеш көркін қыздыра түсті. Кештің қорытындысы бойынша: 4-сынып- «Ең үздік мерекелік костюм» номинациясын иеленіп магниттік тақата және «Ең үздік мерекелік ән» номинациясын бойынша 3Д сағатын сыйға алды.;
5-6 сынып- «-Ең үздік мерекелік би» номинациясы бойынша 15000 теңгегелік сертификат иеленіп қысқы демалыс уақытында қалаларға саяхаттауға жолдама алды.
7-сынып- «-Ең үздік жаңа жылдық қабырға газеті» номинациясын бойынша арнайы ақшалай жүлдені иеленді.
Қазақ тілі
Русский
